आ.ब.२०८१/८२ को बजेटमा लोकसेवा तयारी गर्ने विद्यार्थीहरुले जान्नै पर्ने संक्षिप्त विवरण ।

आर्थिक वर्ष २०८१/८२ का लागि संघीय संसदको दुबै सदनमा अर्थ मन्त्री वर्षमान पुन द्धारा मिति २०८१ जेठ १५ गते पेश गरिएको बजेटको संक्षिप्त जानकारी र विशेषताहरु । 

विशेषताहरु । 

- आगामी आर्थिक वर्ष आर्थिक वृद्धि ३.९ % हुने 

- २०८१-२०९१ लाई कृषिमा लगानी दशक घोषणा गरिएको छ ।

- आगामी वर्ष आर्थिक सुधारको वर्ष घोषणा

- जनकपुरलाई weeding hub र लुम्बिनी लाई birthing hub बनाइने 

- गैरआवासीय नेपालीका सन्ततिलाई पुर्ख्यौली थलोमा भ्रमण गर्न आह्वान

- उपभोक्ता अदालत स्थापना गरिने !!

- आगामी आवमा ९ सय मेगावाट विद्युत् थप्ने लक्ष्य

- सरकारले उच्चस्तरीय आर्थिक सुधार सुझाव आयोग गठन गर्ने भएको छ ।

- सरकारले सार्वजनिक निकायले नेपालमा बनेका गलैँचा खरिद गर्नुपर्ने घोषणा गरेको छ ।

- सरकारले निजगढदेखि ढल्केबरसम्मको आसपासका क्षेत्रलाई नेपाली गलैँचा करिडोरका रूपमा विकास गर्ने भएको छ ।

-औषधिका लागि गाँजाको व्यावसायिक उत्पादन गरिने

- निजी क्षेत्र र स्थानीय तहको सहभागितामा म्याग्दी, मुस्ताङ, मनाङ, गोर्खा र धादिङ जिल्लाको हिमाली क्षेत्रमा कस्तुरी मृग लगायतका वन्यजन्तु पालन गर्ने व्यावसायिक फर्म स्थापना गर्ने उद्देश्य राखिएको हो।

- सीमान्तकृत र अति विपन्न समुदायका विद्यार्थीलाई ६ कक्षादेखि नै छात्रवृत्ति

- २०८१ देखि ९१ सम्मलाई विज्ञान प्रविधि दशकको रुपमा मनाइने ।

- काभ्रेको बनेपामा चलचित्र छायांकनका लागि स्टुडियो निर्माण कार्य सुरु हुने भएको छ ।

- कक्षा १ देखि ५ सम्म स्थानीय खाजा प्रयोग गर्नु पर्ने छ

- सरकारले रोजगार बैंक स्थापना गर्ने भएको छ।

- गम्भीर रोगका बिरामीको खातामा मासिक ५ हजार

- सरकारले नेपाललाई सूचना प्रविधि हबका रुपमा विकास गर्ने घोषणा गरेको छ । सूचना प्रविधि क्षेत्रबाट १० वर्षमा ३० खर्बको निर्यात गर्ने लक्ष्य समेत सरकारले तय गरेको छ ।

-आगामी आर्थिक वर्षलाई महिला लगानी वर्षको रुपमा मनाइने भएकाे छ  ।

- वीर अस्पताललाई जलन उपचारको केन्द्र बनाउने घोषणा

- सरकारले आगामी वर्षदेखि हाम्रा बाआमा हाम्रो जिम्मेवारी अभियान सञ्चालन गर्ने भएको छ।

- सरकारले विदेशबाट फर्किएका नागरिकलाई स्वरोजगार बनाउन ‘रिटर्नी उद्यमशीलता कार्यक्रम’ घोषणा गरेको छ ।

- सरकारले आगामी आर्थिक वर्ष ‘साथीबाट सिक्ने साथीलाई सिकाउने’ कार्यक्रम सञ्चालन गर्ने भएको छ ।

- सरकारले नेपालका पुराना खेल डण्डीबियो, बाघचाल र घोडचढीलाई प्रवर्द्धन गर्ने भएको छ । 

- आगामी आर्थिक वर्ष १६ लाख पर्यटक भित्र्याइने सरकारको घोषणा

- एकीकृत विकासको अवधारणाअनुसार नमुना विकास अभियान सञ्चालन गर्न भरतपुर, बुटवल र पोखरालाई तीनवटा कोणमा राखी गण्डकी आर्थिक त्रिभूज परियोजना सञ्चालन गरिने 

- एक पालिका एक डाउनटाउन विकास गरिने 

- सरकारले राष्ट्रपति जलवायु परिवर्तन कार्यक्रम सञ्चालन गर्ने घोषणा गरेको छ ।

- सेवाग्राहीसँग शुक्रबार कार्यक्रम लागु गरिने